ओळखीचा वाटतो पण चेहरा कळणार नाही
कोणता माणूस येथे आपला, कळणार नाही

डाव अर्ध्यावर पुन्हा सोडून सगळेजण निघाले
कोण असता जिॅकला वा हारला, कळणार नाही

वेग कोणाचा कमी हे रोजच्या स्पर्धेत कळते
जागच्या जागीच कोणी थांबला, कळणार नाही

बंधने नाहीत हल्ली वेळकाळाची गुन्ह्यांना
सूर्य अथवा चंद्र होता साक्षिला, कळणार नाही

मोह होते, बंध होते, प्रेम होते, काय होते?
ते तुला कळणार नाही अन मला कळणार नाही

बासरी सोडून सगळे पुस्तके शोधीत बसले
उद्धवा, इतक्यात त्यांना राधिका कळणार नाही

© भूषण कुलकर्णी