अंधारात चाचपडताना मला मार्ग दाखवलास
कृष्णा, या सूर्यकिरणाला तू प्रकाश दाखवलास!
कवच, कुंडले, आकर्षण सूर्याचे
रहस्य उलगडले आज जन्माचे!
पण जो मार्ग दाखवलास, तो मागे राहिला
सत्य कळावयास फार उशीर जाहला!
यशोदेस सोडलेस तू देवकीनंदना
पण मी कसा विसरू राधामातेला?
दुर्योधनाची मैत्री, सूतांचे प्रेम जगणार
हा सूर्यकिरण एकाच दिशेने जाणार!
अपमानाच्या पर्वतांवरही ठाम उभा राहील
हा सूर्यकिरण सारे कृष्णमेघ छेदून जाईल!
© भूषण कुलकर्णी
