सार्या गावचे डीजे बोलवा रे
आपल्या भावाचं लगीन हाय, वाजवा रे!

तेच ते रडगाणं वाजवू नको
सीरीयस बोरछाप लावू नको
नवंनवं भारीभारी हुडका रे
आपल्या भावाचं लगीन हाय, वाजवा रे!

तेलगू इंग्लीश बी चालतंय की
आन् सैराट असंल तर पळतंय की!
तुमी आवाज बिनधास्त वाढवा रे
आपल्या भावाचं लगीन हाय, वाजवा रे!

आपला भाऊ घोड्यावर बसलेला हाय
लय ऐटीत राजावानी सजलेला हाय
त्यालाबी नाचायला बोलवा रे
आपल्या भावाचं लगीन हाय, वाजवा रे!

© भूषण कुलकर्णी