एक्स म्हणजे एक्स असते
एक्स ला दुसरं नाव नसतं
बऱ्याच गणितांमधे एक्स दिसते
हमखास…

काही गणितं सुटतात
एक्स ची किंमत कळते
एक्स कधी असते रियल, कधी इमॅजिनरी
कधी कॅाम्प्लेक्स – थोडं रियल, थोडं इमॅजिनरी
कधी रॅशनल, कधी इर्रेशनल
कधी पूर्ण, तर कधी फ्रॅक्शनल
कधी धन, कधी ऋण
कधी वाटते किंमत शून्य…

काही गणितं सुटणारी नसतात
कधीही…
आणि काही गणितं सुटली तरी
एक्स च्या अनेक किमती कळू शकतात
एक्स ची जेवढी पॅावर असेल, तेवढ्या…
टेक्निकली !?!

-भूषण कुलकर्णी