यवन तर स्वर्गामधे दिसणार नाही ना?
इंद्रसुद्धा सेक्युलर निघणार नाही ना?

शक्यता दिसल्या नव्या प्रत्येक घटनेच्या
मी समांतर जीवने जगणार नाही ना?

झोपल्यावर जग कुणाची आठवण येते?
या जगाला हे गुपित कळणार नाही ना?

क्षणभराच्या निर्णयाची जन्मभर शंका
मी लढाईच्या क्षणी पळणार नाही ना?

त्याग कर आहार निद्रा मैथुनाचाही
भय तरीही शेवटी उरणार नाही ना?

देव मानू की नको, चर्चा करत बसलो
तर कुठेही शाश्वती मिळणार नाही ना!

-भूषण कुलकर्णी