भूतकाळाला बदलण्याची गरज नाही
एवढा पडणारही त्याने फरक नाही 

टीन एजर सारखी का वागते आहे?
भावनेवर राहिला माझा वचक नाही 

सर्व खटल्यांना उद्याच्या तारखा देतो
घ्यायची बाजू कुणाची ते कळत नाही 

डोंगरावर एक घर मी घेतले आहे
यावरी मारायची कुठली मजल नाही 

शब्द काही कोरले गेलेत हृदयावर
कोण कोणाला म्हणाले ते स्मरत नाही 

इतर गोष्टींची सतावत राहते चिंता
लागले अद्यापही पुरते व्यसन नाही 

-भूषण कुलकर्णी