आज यशोशिखरावरही
मन का अशांत आहे
गतकालाच्या आठवणींत
पुन्हा का रमत आहे
पुरान्याच गीतपंक्ती
पुन्हा का गुणगुणत आहे
गणिती अभ्यासातही
भावना का शोधत आहे
संगणकाच्या पडद्यावरही
बालपण का चितारीत आहे
गल्ली—क्रिकेट पाहताना
क्षणभर का थबकत आहे
शेकडो कल्पनांमध्ये
एक ध्येय शोधत आहे
पुढच्याच क्षणाला
पुन्हा का बहकत आहे
धावताना राहिलेले
क्षण पुन्हा जगत आहे
आज पहिल्यानेच
भावना काव्यात मांडत आहे
© भूषण कुलकर्णी
